გილოცავთ ახალ 2011 წელს,ჩვენო გვრიტებო!

თოვლი არ ჩანს,მაგრამ ფიქრი?

ფიქრი მოთოვს ციდან....

სურვილს რაღა დააოკებს

ამ ახალი წლიდან?!

სიკეთის და იმედების 

დაბედება მინდა.......

გაქრეს თუკი სადმე არის

ღვარძლი ერთი ციდა!

ბარაქა და ხვავი დადგეს

ჩვენს ბეღელში ამ წელს.

სიახლის და წინსვლის იყოს,

ძველებს რომ არ ჰგავდეს....

დაეხუროს ჩვენთვის ქუდად 

მშვიდობა და მადლი....

კაცს კაცობა ეტყობოდეს,

ქალს კი ერქვას ქალი...........

ამაღლდეს და გაიშალოს 

სახლი-კარი,ჭერი,

დასამარდეს ორგული და

გულბოროტი მტერი.....

სხვას რას ვერჩით,

სიყვარულით დაიცალოს ქვევრი,

დაილოცოს სიყვარულში

ჩემი ჯიში,გენი......

.და ვილოცოთ , რომ გადარჩეს

ჩემი დიდი ერი!

თუკი ერთად  დაგვიგულებს,

რას დაგვაკლებს მტერი?! 

                                                      01.01.2011      ლიკა

,,სამოთხის გვრიტები” მასპინძლობენ პოეტ მანანა ჩიტიშვილს!

                 ეს ქალბატონი პოეტი მანანა ჩიტიშვილია.....უფალმა მას პოეტური ნიჭი უწყალობა და შესაძლებლობა მისცა სათქმელი ლექსად ეთქვა; მერე პოეტმა ქალმა ეს ლექსები   ,,იბერიის მზეში" გაშალა; იბერიის მზემ მას ნათელი მოაფრქვია და ამ სინათლის   წყალობით ლექსის სტრიქონებმა ადამიანთა გულებში დაიდეს ბინა..........თანაც ისე მკვიდრად, რომ ამ სამყაროს მუდმივი ბინადრები გახდნენ..........
 გიყვართ?-მოუხმეთ ქალბატომ მანანას პოეზიას!  
გიჭირთ?-აქაც სულზე მალამოდ დაგედებათ იგი! 
გიხარიათ?- თქვენთან ერთად სიხარულის ყიჟინას დასცემს უმალ!
გენატრებათ?-თქვენთან ერთად ინატრებს ისიც!
მაშ, შეიყვარეთ და შეიტკბეთ მოკრძალებული ქალბატონის უძვირფასესი სტრიქონები- სულის მძივები!

პოეტი მანანა ჩიტიშვილი-სტუმრად ,,სამოთხის გვრიტებთან”.

         17 დეკემბერი ბარბარობის დღესასწაულია.და ეს დღე მართლაც სასწაულს ჰგავდა..........ქ.თბილისის 32-ე საჯარო სკოლის ლიტერატურული წრე ,,სამოთხის გვრიტები"(ხელმძღვანელები ასმათ ჭარელიძე, ლია ჩხაიძე) პოეტ მანანა ჩიტიშვილს მასპინძლობდა.
        დეკემბრის ცივ და სუსხიან დილას სულ სხვანაირი დაუდგა ხიბლი....პოეტის სტუმრობა დიდ პატივად აღიქვეს მოსწავლეებმა და პედაგოგებმა.....ლიტერატურული წრის წევრები გამომეტყველებით კითხულობდნენ პოეტის ლექსებს.....შემდეგ პოეტის წინაშე წარმოადგინეს მათი თვალით დანახული  მანანა ჩიტიშვილის პოეზია........გაითავისეს ავტორისეული სამშობლოს ტკივილი, მიტოვებული სოფლის სევდა, ქსნის ხეობის ყრუ გმინვა, სიყვარულის შემოფეთება და იმედების ძალუმი ძალა..........მოსწავლეები ცნობისმოყვარეობით სავსე კითხვებს უსვამდნენ პოეტს.ისიც გულწრფელად, მშვიდად, კმაყოფილებით პასუხობდა მათ.......დიალოგი მართლაც სალონურ სტილში წარიმართა..........პოეტმაც წაიკითხა საკუთარი ლექსები..........პედაგოგებიც ჩაერთნენ ამ პოეტურ წვაში.........ყველამ ერთად გამოხატა დიდი მადლიერება ქალბატონ მანანას მიმართ.....
სკოლის დირექტორმა ქალბატონმა ნანა ქაჯაიამ მას დიდი მადლობა გადაუხადა მობრძანებისათვის.......
წრის წევრებმა დახელმძღვანელებმა პოეტი მანანა ჩიტიშვილი წრის საპატიო წევრად აირციეს..ეს იმას ნიშნავს, რომ მისი სტუმრობა არც პირველი და არც ბოლო, ის ლიტერატურული სალონის სხვა ღონისძიებებსაც დაესწრება.........

ეს დღე ერთ-ერთი იმ ლამაზ დღეთაგანია, რომელიც ლამაზ მოგონებად დარჩება №32 საჯარო სკოლის მოსწავლეებისა და პედაგოგების ცხოვრებაში.

ჭაშნიკი

        ჩვენი მოსწავლეებიც წერენ..წერენ ჩუმად, გაუბედავად...ზოგჯერ დაბრკოლებებს ხვდებიან და ჩერდებიან....ზოგჯერ ისე წერენ, არავის აჩვენებენ.......მათ რჩევა ჭირდებათ და გარკვევა იმაში-შეუძლიათ წერონ?
        ეს სოფო მენაბდიშვილია-მე-9 კლასის მოსწავლე.ნიჭიერი და განათლებული გოგონა.ბევრს კითხულობს .წიგნი მისი ერთგული მეგობარია, მშველელია, ეხმარება მას. სოფოც შანსს ხელიდან არ უშვებს და იწერს უბის წიგნაკში ფრაზებს, ციტატებს, ლექსებს...ყველაფერი ეს გონებაში იბეჭდება და საუბრის დროს წამალივით ეშველება-ხოლმე.წიგნის სიყვარულმა პოეტური ხედვაც განუვითარა გოგონას....დეკლამატორის საოცარი უნარი ლექსის მხატვრულ წაკითხვით გამოავლინა...........შემდეგ გაუბედავად აირო კალამი ხელსი და თავადაც სცადა..........ახლა ისიც წერს......არ იცის როგორია, რანაირია, მაგრამ მისია, ბავშვურია, განა ყველა ასე არ იწყებდა?!
        პედაგოგებმა ასმათ ჭარელიძემ და ლია ჩხაიძემ მისი ლექსების დაჭაშნიკება  საფიხვნოს მიანდო....სტუმრად პოეტი მანანა ჩიტიშვილი გახლდათ...........ქართულის პედაგოგმა ლია ჩხაიძემ აუდიტორიას წარუდგინა სოფო,როგორც სანიმუშო მოსწავლე,კარგი მეგობარი, საამაყო შვილი და პოეტური სიტყვის  თაყვანისმცემელი გოგონა.
         სოფომ წაიკითხა ლექსი.მისი დებიუტი შედგა.პოეტ მანანა ჩიტიშვილისაგან მიიღო მან ხელდასხმა.ეს უბრალო საქმე როდია! თანაც პოეტი მოიხიბლა პატარა ცქრიალა გოგონას გონიერებით და თავისი წიგნი აჩუქა წარწერით...........სოფოსათვის ეს დიდი პატივია.............მომავლის გზებს დაგილოცავთ, პატარა შემოქმედო!

სოფო მენაბდიშვილი:ჩემი თვალით დანახული პოეტის სამყარო